Blood Donation Drive, Sama-samang Sinuportahan ng Mamamayan ng Rosario
Hunyo 27, 2023
INANDAN, PRINCE BAILON
Litratong kuha sa naganap na Blood Donation Drive
Larawan kuha ni Blessie Magsombol
Bilang parte ng World Blood Donation Day na ginugunita tuwing ika-14 ng Hunyo taon taon ay nagsagawa ang munisipalidad ng Rosario ng isang blood letting activity.
Sa pakikipagtulungan ng munisipalidad ng Rosario sa Batangas Medical Center, Provincial Health Office (PHO), National Voluntary Blood Services Program (NVBSP) CaLaBaRZon, Red Cross, Rural Health Unit (RHU), Municipal Disaster Risk Reduction and Management Office (MDRRMO), ay naisagawa ang blood donation drive noong nakaraang Hunyo 27, 2023 sa Don Antonino Luansing Plaza, Poblacion B, Rosario, Batangas.
Litratong kuha sa naganap na Blood Donation Drive
Larawan kuha ni Blessie Magsombol
“Give Blood, Give Life, Give Plasma, Share Often” ang naging tema ng aktibidad na nakatuon hindi lamang sa boluntaryong pagbibigay ng dugo ngunit pati na rin sa benepisyong nakukuha dito. Marami ang sumuporta sa programang nabanggit kabilang ang mga residente ng lugar at ilang empleyado ng munisipyo. Naging matagumpay ang donation drive at inaasahang magkakaroon muli ng sa darating na Hulyo 12, 2023 sa Barangay Macalamcam B, Rosario Batangas.
